Azeta di pisca ta hopi popular debi na su gran contenido di azetanan graso Omega 3. Esakinan tin beneficio pa e celebro, curason, mescos cu pa salud en general.
Den e articulo aki nos lo bay contabo pakico bo lo mester consumi’e pa bo sinti bo mes mas sano y fuerte.
Beneficionan natural di azeta di pisca
E alimento aki di origen animal ta mas cu nutritivo, ya cu nos ta aporta un bon cantidad di acidonan “positivo” beneficioso pa salud.
Si ta bon, den actualidad ta bende e azeta den forma di capsula, tambe ta importante consumi pisca, ya cu e complemento pa su mes no ta actua di e mesun manera.
Pa obtene un bon cantidad di acidonan graso omega 3 y 6, nos ta recomentabo pa aumenta e consumo di:
Makrel, sardin, salmao, haring, tuna y trucha.
E cantidad recomenda di pisca ta di dos porcion pa siman y di azeta, como maximo 3 gram pa dia.
Ta existi diferente variedad di azeta di pisca, desde lo mas concentra na esunnan mas lihe (e ultimonan ta mas facil pa ingeri).
Esaki ta elabora a base di vet di pisca y ta contene un bon cantidad di vitaminanan A, B, C y D.
Cualnan ta e beneficionan di azeta di pisca
Si bo ta consumi azeta di pisca riba dosisnan adecua, bo por goza di e siguiente bentahanan:
Combati alergianan di temporada. Danki na su propiedadnan antiinflamatorio e hinchamento di e sinusnan nasal (provoca pa histamina). Ademas nan tin e capacidad di fortalece e sistema inmunitario y pa esey, haci frente na e patogenonan cu ta provoca alergia cu e cambionan di estacion.
Ta cuida e salud cardiovascular. E acidonan graso ta reduci e nivelnan di lipido den sanger. Por lo tanto, e azeta di pisca ta un gran aliado pa personanan cu tin colesterol “malo” (LDL) eleva. Di su banda, ta disminui e riesgo di sufri enfermedadnan cardiovascular ya cu ta regula e ritmo cardiaco y ta destapa y desinflama e arterianan.
Mehora e aspecto di piel. Ya cu e tin e capacidad di blokia e liberacion di enzimanan induci pa e rayonan di solo, e azeta di pisca ta sirbi pa mantene e funcion dermico den e miho condicionnan. Pa disfruta di e beneficio aki ta imprescindibel aplik’e riba e piel (vooral si nos tin lachi). Tambe ta wordo recomenda pa e personanan cu tin rash, piel cora, hincamento of psoriasis.
Promove salud celebral. Algun enfermedad neurodegenerativo, manera Alzheimer, demencia of e malesa di Parkinson ta afecta miyones di persona rond mundo. E tumamento periodo di di azeta di pisca ta ekilibra e funcionnan di dopamina y serotonina, e dos hormoonnan encarga di regula e mecanismo di e celebro.
Trata problemanan ocular. Den e caso di padece catarata of “wowo seco” nos por uza azeta di pisca pa por reverti e situacion y trat’e riba e miho manera. Si nos tum’e tur dia, nos por mehora e salud di bista, danki na e acidonan graso omeg 3.
Evita deramenan celebra. Ora cu un vaso sanguineo di e celebro kibra of blokia, ta sosode loke nos conoce como “derame.” E azeta di pisca ta recudi cierto factornan di riesgo relaciona cu e problema aki, ya cu e ta mehora e salud di vena, arteria y ta faborece e circulacion di sanger. E ta wordo recomenda den casonan di arteriosclerosis y preshon arterial halto.
Ta alivia artritis reumatoide. Acidonan graso conteni den azeta di pisca, tin un gran efecto antiinflamatorio den organismo. E propiedad aki ta hopi util pa e personanan cu ta sufri di artritis of artrosis, ya cu ta reduci e rigidez articular asina frecuente mainta. Tambe e ta calma e tipico dolornan na kier tuma un obheto of ehecuta un actividad cotidiano.
Tin weso mas fuerte. Osteoporosis ta un problema cada biaha mayor den e poblacion adulto mundial. E ta wordo caracterisa pa wesonan debil y pas proclive na kibra of lesiona cu cualkier golpi, movimiento bruto of caida. E ta wordo causa pa un deficit di calcium y ta inclui e perdida di masa di weso, vooral den cierto areanan di curpa manera, por ehempel, e femur, heup y schouder. Tuma azeta di pisca ta sirbi pa reverti e causanan cu e condicion aki ta provoca.
Preveni cancer. E azeta di pisca tin e capacidad pa preveni diferente tipo di cancer. Esaki ta debe na e accion di e acidonan graso poliinsatura cu ta evita e desaroyo di celnan maligno. Tambe e ta sirbi pa potencia e eliminacion di toxinanan di higra y riñon.
Preveni depresion y ansiedad. Ya cu e azeta di pisca ta hopi beneficioso pa reduci of mehora cierto actividadnan mental, tambe por wordo emplea den e tratamentonan di personanan deprimi of ansioso. Ambos condicion a wordo incrementa den e ultimo temponan debi na e ritmo di bida cu nos ta hiba y por haci un efecto den nos comportacion y relacionnan. Un bon dosis di acidonan graso, Omega 3 ta mehora e estado di celebro y ta excelente den cuadro di e stress cronico, insomnio of nerviosismo.
Fuente: Mejor con salud