E balor di criptcoin ta supera 6 mil dollar

0

LONDON, Reino Uni- Diaranson e balor agrega di tur e criptcoin a yega un maximo historico di rond di 184 miyon dollar, según e website di e industria Coinmarketcap. Esaki ta haci cu su balor riba mercado lo ta mas o menos igual cu esun di Goldman Sachs y Morgan Stanley hunto.
E punto maximo nobo aki a keda verifica na momento cu e criptodivisa mas grandi y mas conoci, bitcoin, a yega un record di mas di 6.500 dollar.
E apreciacion di bitcoin, cu a registra un aumento di casi 800 por ciento den e ultimo 12 lunanan, ta debi na e noticia publica diamars di cu CME Group, e operador mas grandi di cambio di divisas, lo cuminsa trade den bitcoin den e ultimo trimester di aña aki.
E anuncio a wordo considera como un importante paso den e cambio di divisa digital pa legitimidad y adopcion financiero convencional.
E di dos criptomoneda mas balioso, Ether, hopi biaha yama “Ethereum” pa e proyecto cu ta apoy’e, su balor tabata levemente abao durante e dia, na 302 dollar pa moneda, despues cu na Juni el a yega un record di mas di 410 dollar.
Fuente: http://lta.reuters.com/article/businessNews