MADRID, Spaña – Cientificonan di e Instituto di Investigacion Biomedico Alberto Sols (IIBM) di Madrid, a descubri cu autofagia por proteha frente na e inflamacion cronico di e retina durante e envehecimento, pa loke por converti den un posibel diana terapeutico pa e tratamento di problemanan ocular, ABC a divulga.
E estudio tabata tin como obheto evalua e efectonan asocia na e neuroinflamacion y autofagia cu ta produci durante envehecimento den retina di ratonnan cu deficiencia di e gen “lgf-1”, responsabel di e expresion di un peptido – denomina ‘factor di crecemento insulinico tipo 1’ of IGF-1 – cu funcionnan neuroprotector den e sistema nervioso central.
Ademas di esey, e peptido IGF-1 tambe ta desempeña un papel importante den e crecemento di neuronanan, manera e mantenimento di e plasticidad sinaptico. De hecho, e resistencia na IGF-1 den e sistema nervioso central ta e responsabel di e perdida di su fncionnan neuroprotector den patologianan asina importante como e enfermedad di Alzheimer y Parkinson.
Den e ultimo añanan a wordo descubri cu e ratonnan cu deficiencianan den e gen ‘lgf1-1’ ta padece hipoacusia congenita severa – es decir, e perdida di e sentido di oido -. Y pa esey ta uni cu, como a demostra e estudionan mas reciente, e animalnan tambe ta padece un perdida di vision progresiva asocia na edad, compaña di alteracionnan structural den e prome sinapsis di e retina.
Como consecuencia, y na luz di e evidencianan aki, por conclui cu e enfermedadnan cronico di e retina, entre cual ta inclui e retinopatia diabetico, ta presenta un componente comun di neuroinflamacion y neurodegeneracion.
P’esey, e autornan di e estudio nobo ta evalua e posibel causa di e alteracionnan visual di e ratonnan cu deficiencia den e gen ‘lgf-1’ y a constata cu, manera Angela Martinez Valverde, co-autora di e investigacion ta splica, “e ratonnan ta presenta un inflamacion cronico den e retina, cu un importante activacio di e microglia cu a wordo atenua mediante e activacion di e fluho autofagico na edad di 6 luna.”
Den ratonnan bieu di 12 luna di edad, ta produci un blokeo di e autofagia cu a resulta den un aumento di e cantidad di autofagosoma den e retina. E hecho aki, uni na otro procesonan manera e activacion persistente di microglia y di e sistena inflamosoma, a contribui di manera importante na e alteracionnan structural di e retina y na e perdida di e funcion visual di e ratonnan deficiente den lgf1 durante e envehecimento, Isabel Varela-Nieto, co-autora di e estudio, a bisa.
“Nos trabao ta ofrece evidencianan nobo den un modelo animal cu deficiencia di IGF-1 cu e autofagia ta un respuesta adaptivo cu por conferi protession dilanti e inflamacion persistente den e retina durante embehecimento,” e autornan a conclui.
Fuente: El Universal