Diadomingo mainta, mr. Andin Bikker a sali di centro di Husticia an Macuarima, caminda el a reuni cu Alto Mando Policial, pa asina e wordo poni na altura di e ultimo acontecimentonan relaciona cu e buskeda di e criatura di tres aña cu ta perdi.
Diasabra anochi te den oranan laat di anochi, mr. Andin Bikker tabata den contacto cu Cuerpo Policial, pa asina e keda na altura di tur loke ta pasando relaciona cu e buskeda nacional di e mucha homber perdi di 3 aña. Den e buskeda a bin haya tambe cu un mucha di cu no tabata tin mucho informacion di dje, pero cu a kere cu e tabata perdi. Pero a bin haya e criatura aki.
Minister di Husticia na su salida di Centro di Husticia pa un update tocante e buskeda nacional, y e no por a divulga mucho ya cu e por stroba e investigacion. Tin mas hende cu a wordo scucha, no precisamente cu nan ta sospechoso, pero si ta wordo interoga, pa acumula echonan pa haya un miho bista di kico a tuma luga.
E mama di e criatura, cu anteriormente no tabata declara nada, awo si el a cuminsa declara algun cosnan. Antes el a haci un apelacion di su zwijgrecht, pero awo e ta dunando cierto informacion, fechanan etc. Esey ta un adelanto ya cu e ta duna un tiki mas claridad di kico, con y kico lo por a pasa. Pero tempo ta coriendo, cada minuut ta hopi importante pa por logra haya e criatura. Di parti di Marina Real, nan a search 24/7 den ploeg diasabra anochi, diferente caminda. Tambe tin personanan den comunidad cu tambe ta yudando, pa cual minister a gradici nan cu den nan tempo liber ta moviendo y yudando den e buskeda aki.
Pero Minister di Husticia, mr. Andin Bikker, a bisa cu si mester corda, cu paralelo cu e buskeda di e criatura aki, tin e otro caso cu eigenlijk a conduci cu awo tin un caso penal di e criatura cu a wordo maltrata y te cu el a bin fayece. Esey ta pone cu ta duna un otro dimension, ya cu si ta buscando cu un criatura cu ta perdi, cu no ta gelink na un caso penal, e ta un otro dimension, e ora ta busca sin cu mester tene cuenta cu ta drenta un area unda tin pruebanan cu mester wordo laga intacto, pa investigacion.
Pero esaki ta e caso, caso di un criatura cu a fayece y esey ta pone cu diferente tipnan cu ta drenta, location etc, cu esey mester tuma luga di Opsporingsambtenaarnan, cu tin autoridad pa haci e investigacion. A haci sugerencia na e team di buskeda, pa coordina bon,pa no haya cierto areanan cu mester wordo acerca di un manera di un caso penal, pero siguramente e team coordinando esaki, lo tuma contacto cu e personanan cu den nan tempo liber ta pone nan tempo liber pa busca e criatura.
Mas aleu, mr. Bikker a bisa cu dado momento a bin descubri cu un di e muchanan a wordo interna y cu a bin fayece, cu tabata tin un di tres criatura cu tabata wordo busca, pero esey si a bin logra haya su paradero. Esaki no a sali den publicidad, pa no alarma e comunidad. Esey e decision tuma den Ministerraad extraordinario, cu a conduci cu den oranan di merdia, pa organisa un buskeda nacional, cu por a trece claridad ariba un criatura cu no tabata sa cu e tabata perdi. Pero den e proceso aki, semper lo carga speransa y keda den oracion, pa por yega na un resultado positivo, Dios mediante.