‘Dienst Uitvoering Onderwijs’ (DUO) ta cuminsa na principio di 2017 cu un programa piloto di dos aña den cual ex-studiantenan na Aruba, Corsou y Sint Maarten por paga nan debe di estudio bek riba un cuenta bancario local na valuta local. Cu esaki ta cumpli cu deseo di hopi ex-studiante.
Habitantenan di Aruba, Corsou y Sint Maarten cu a studia na Hulanda y tin un debe di estudio na DUO, te awor tin extra gasto pa por cumpli cu nan obligacion di pago.
Ta asina cu nan mester paga extra pa por transferi e sumanan pa un cuenta bancario na Hulanda. Ademas nan ta core riesgo di tipo di cambio (di placa stranhero).
Mas barata
For di Januari 2017 e programa piloto ta start, loke ta haci cu pagamento bek di debe di estudio ta bira mas facil y mas barata. E ora ey por paga e debe di estudio via un cuenta na un banco local. Ta nifica cu no tin nodo di paga gasto di transaccion extra.
Ta fiha e tipo di cambio na Januari y e ta keda valido pa henter aña calendario. Si den curso di aña e valuta local baha di balor? E ora ey lo no tin retraso den pagamento. Si e valuta local subi di balor? E ora ey loke a paga di mas ta desconta como amortisacion for di e debe di estudio.
Registra
Otro siman ta manda un mail pa ex-studiantenan na Aruba, Corsou y Sint Maarten di kende nan adres di e-mail ta conoci pa DUO, pa invita nan pa participa na e ‘pilot’ aki. Hendenan cu no ricibi e-mail, pero si kier participa por busca informacion na www.duo.nl/antillen.