DUBAI, Emiratonan Arabe Uni – Varios criminal Hulandes ta sconde na Dubai pasobra e estado desertico no tin ningun acuerdo di extradicion cu Hulanda. Esaki ta segun De Telegraaf.
Segun e corant, Gobierno Hulandes ta e sumpiña den wowo cu no tin posibilidad pa gara criminalnan na Dubai. Ministerio di Siguridad y Husticia lo kier sinta cu e Emiratonan Arabe Uni, pa asina regla un acuerdo di extradicion.
Tambe e criminalnan mester sconde na Dubai si nan tin miedo pa wordo likida pa enemigonan den baho mundo. Debi na e castigonan halto y controlnan severo den e pais, sikarionan no lo yega eynan facil.
Mocro Guera
Bao di e criminalnan cu ta tene nan mes for di radar na Dubai, ta segun De Telegraaf, e protagonistanan den e “Mocro Guera” cu Amsterdam, un serie di likidacion cu a cuminsa na 2012 cu un pleito entre dos banda di droga, consistiendo Marocanonan.
Tambe e Amsterdammer Turco Ali Akgun a sinta na Dubai. E tabta un di e sospechosonan principal den e proceso di pasashi. E proceso aki ta bay riba un serie di likidacion den mundo baho di Amsterdam. Akgun mes a wordo likida na Turkia na 2014.
Fuente: De Telegraaf