E conflictonan social y e estilo di bida agita di awendia, por causa desekilibrio den e descanso di hende. Concilia soño of drumi reparadoramente, por converti den un mision dificil.
Drumi ta un necesidad fisiologico cu e curpa tin mester pa funciona adecuadamente.
Mientras cu ta drumi, e organismo ta presenta cambio den e actividad celebral, respiracion, ritmo cardiacoy den e movimientonan muscular. Tambe ta sosode e liberacion di e hormona di crecemento cu ta e clave pa longetividad.
Pa alcansa un estado optimo corporal, mester drumi y lanta aproximadamente na e mesun ora, respetando e ritmo circadiano, cu no ta mas cu e holoshi biologico cu ta regula e funcionnan fisiologico pa por sigui un ciclo regular cu ta ripiti cada 24 ora.
E soño tin varios etapa y cada ciclo ta bay for di 90 pa 110 minuut. E prome ta un soño light caminda cu e persona ta lanta pa cualkier eventualidad. Durante e fase aki hopi persona ta experimenta contraccionnan muscular. Despues e ta drenta den un soñ profundo, caminda cu no tin movimiento ocular of actividad muscular y e ondanan celebral ta mas lento. Den e etapanan aki ta hopi dificil pa lanta un hende. Finalmente ta drenta den e periodo REM, caminda cu e respiracion ta bira mas iregular, e movimiento di wowonan ta mas lihe y e ondanan celebral ta aumenta manera cu e ta lanta. E ta den e intervalo cu nos ta soñando. Si ta lanta un persona den e etapa aki, ta mas factibel cu e ta corda loke e tabata soña. Den condicionnan normal, ta drenta den e periodo REM di tres pa cinco biaha durante e anochi.
E presion laboral halto y e alternabilidad entre trabao y e rol di mama of tata ta e principal causante di desordennan di soño. E preocupacion of tareanan pendiente cu ta deriva di e actividadnan aki no ta permiti “paga e celebro.” Na e factornan socioeconomico aki, mester suma e edad, maternidad, ciclonan menstrual y e subi y baha di e hormoonnan,” Margarita Botero, medico ciruhano specialista den Medicina Anti Embehecimento di e Centro Medico Energia Vital Activa (@energiactiva), a sigura.
Pa por hiba un bida sano, cu e miho estado fisico durante dia, ta necesario tin un soño trankil y completo. Pa esey ta recomenda purba di drumi boca ariba cu e brasanan na banda, pues ta e miho posicion pa e columna vertebral y e nek.
Si ta rekeri mas apoyo, por recuri na tratamentonan di e medicina anti embehecimento manera e desintoxicacion ionico, massagenan antistress, y sueronan cu oligoelemento y neuroterapia.
Fuente: www.eluniversal.com