Pa pueblo tin un accesibilidad extra cu esaki, pa tambe pa tin e acceso digital aki y muy en particular pa hendenan sa kico nan por haci por medio di Inspectie Volksgezondheid Aruba (IVA). Sra. drs. Marisol Lopez- Tromp, ta elabora ariba e importancia di tin un website asina.
Manera a wordo menciona, e lider di fraccion di POR den Parlamento, Sra. Marisol Lopez- Tromp, a splica cu e website aki duna informacion na Hulandes, cual ta e idioma di mayoria documento, pero pronto e lo ta disponibel den otro idiomanan cual ta bon, y esaki tambe lo duna na e poblacion e oportunidad por wordo expresa su mes den otro idiomanan.
Mas aleu Sra. Marisol Lopez- Tromp, a sigui bisa cu proximamente lo tin un reunion mas amplio tocante e tema aki cu Comision di Salud, cu ta na encargo di mesun parlamentario aki, pasobra e ta considera hopi importante pa Staten ta bon informa di e trabao cu e Inspectie Volksgezondheid ta realisa pa nos pais. E responsabilidad cu parlamento tin pa duna e informacion na e medionan di prensa. Por ultimo, Sra. Marisol Lopez- Tromp a felicita Inspectie Volksgezondheid Aruba, pa cu a website nobo di IVA.