Diabierna mainta e candidatonan di partido POR a sali di diferente localidad riba nos isla pa asina topa na Stadhuis y haci entrega di e lista. Pueblo no kier tende mas di hende cu cabe’i boto den parlamento. Ni tampoco pueblo kier tende cu esnan cu tiki voto ta paden y esnan cu hopi voto ta pafo. Pa e motibo aki partido POR a firma un protocol caminda e voto di pueblo ta conta pa esnan cu mas voto representa e pueblo den parlamento. Parlamentario Marisol Lopez Tromp a firma e protocol aki caminda tanto e como e otro candidatonan riba lista di POR ta firma pa esnan cu mas voto representa nos pais Aruba den parlamento. Un decision historico cu ta pone cu awor en berdad e pueblo su candidato di su escohencia lo ta esun cu ta represent’e den parlamento.