QUEBEC, Canada- Un drone a dal contra di un avion comercial na Canada. Esaki ta e prome incidente den casonan asina, segun e minister di Transporte.
E drone a dal den e hala di e avion, mientras cu tabata tin seis persona abordo y dos miembro di tripulacion.
E avion a haya dañonan menor y tabata por a aterisa normal, según e minister Canades di Transporte.
Na comienso di e aña aki, Canada a anuncia cu e lo prohibi pa bula dronenan recreacional cerca di aeropuertonan.
Ley ta prohibi dronenan dentro di 5 km leu di un aeropuerto y a restringi e altitud cu e drone por bula te na 90 m.
Personanan cu kibra e restriccionnan aki por haya nan cu un boet di 25 mil dollar Canades.
E vuelo di Skyjet tabata direccion Quebec Jean Lesage International Airport ora cu e drone a dal den dje dia 12 di October.
Den un comunicado, e minister di Transporta, Marc Garneau a bisa:” Aunke cu e gran cantidad di operadornan di drone ta bula na un altitud responsabel, tabata situacionnan manera esaki cu a pone cu mi mester a tuma pasonan y emiti un resticcion interno di siguridad unda cu dronenan por bula.
Fuente: http://www.bbc.com