Directora di Departamento di Recurso Humano, Omaira Lares, ta splica kico ta e plannan pa drecha e calidad di servicio pa e ambtenaarnan.
Segun sra. Lares, tin diferente proyectonan cu a start y ta den proceso. Proyectonan manera Functiehuis cu ta describi tur funcion, pero tambe ta balora tur funcion di nobo. Na comienso di aña, a certifica un grupo di ocho hende di DRH pa traha cu un sistema cu ta special pa Gobierno. Tambe ta bay cuminsa cu plan pa combersa cu tur e vakbondennan di kico e ta bay nifica pa tur departamento. Awor tin un grupo di seis hende cu ta duna training di diferente topico. Mester prepara y guia e directornan y prepara e trahado publico tambe di kico ta su derechonan y debernan. Esey ta e dos proyectonan grandi cu ta bay maneha e cambio pa mas efectividad den Gobierno.
Pa e parti di integridad, sra. Lares tin un otro grupo di beleidsmedewerker cu ta atende cu un comision cu ta riba nivel di Minister Presidente hunto cu VDA y Openbare Ministerie, caminda cu ta bin cu reglanan cu ta reforsa e normalidad den empleado publico.