Diaranson merdia un delegacion di Aruba cu ta consisti di 5 atleta, 1 coach y 1 mayor a biaha pa Oregon Portland, USA cu e meta pa clasifica na e President’s Cup cu ta un G2 pa e Pan Americano 2017.
Dr. Guaicaipuro Jimenez a desea e atletanan exito, atletanan cu e la mira for di chikito te cu awor y nan a crece y rek masha hopi mes. Dr. Guaicaipuro Jimenez tin e confiansa cu e atletanan a prepara debidamente pa esaki y ta kere cu nan lo por yega nan meta. Tambe ta mira e President’s Cup aki como nan preparacion pa e campeonato mundial na Canada na luna di November. E atletanan ta preparando y ta bayendo na esaki tambe pa asina nan demonstra cu nos por. Nos atletanan ta na e nivel cu nan mester ta y lo demonstra esaki tambe, mirando tur e resultadonan cu nan ta trece cas bek y ta mustra cu nos ta ariba e bon caminda. Nos meta ta Tokyo 2020 y ta preparando pa esey for di awor caba y ta scoge e campeonatonan di taya manera e G nan, sea G1, G2 y te asta ta participa na G8.
Cornel Djaoen di Tele Aruba tambe tabata presente y a desea e team hopi exito na Portland, Oregon.