Dr. Viana a ricibi e grato noticia cu e la wordo invita pa participa na e di 26 ICNIM cu ta e Congreso International di Nutricion y medicina integra (International Congress on Nutrition & Integrative Medicine) cual lo tuma luga na Sapporo, Japon di Juli 20 – 23, 2018.
E simposio cual lo ta di 2 dia lo consisti di presentacionnan ariba estudionan haci recientemente ariba e ingredientenan nutraceutico di AHCC, Oligonol, Perilla y Aparagus. E lo wordo atendi pa mas cu 400 investigado cientifico, doctor, y profesionalnan den e industria nutricional di suplemento.
E aña aki e keynote speaker pa e evento lo ta Dr. Shigenobu Shibata. Dr. Shibata ta profesor na Waseda University na Hapon y ta e leader den investigacion ariba “circadian rhythm”. E lo ta dunando un lectura ariba cuminda y salud basa ariba circadian rhythm.
Na Aruba, Curaçao y Bonaire conhuntamente cu Oduber Agencies pa e ultimo añanan Dr. Viana ta hopi activo ta duna informacion ariba e beneficionan di AHCC cu ta un mushroom cu ta origina na Hapon.