Dr. Arthur Vallejo comprometi cu e tema di malesanan cronico y adictonan na Aruba.
Lo bay forma un comision y esaki ta e prome biaha cu gobierno di Aruba ta bay haci esaki. Coordinador di Ministerio di Salud, Dr. Arthur Vallejo ta splica.
E comision lo tin un representante di Enseñansa, di departamento legal y un representante legal, cual comision lo wordo encabesa pa dr. Arthur Vallejo. Lo bay guia e comision pa evalua e pasado. ya cu 20 aña pasa tabata tin profesionalnan ta bin di Central y Suramerica sin ningun problema. Tambe por corda cu tabata tin convenionan haci caba for di 1977, unda cu e acuerdonan ta estableci caba. E caminda formal den e ley di Aruba tabata cla caba. Y despues a cuminsa cu e parti di exigencia di un BIG of traha un ley di registracion di e BIG.
Basicamente esaki ta aglo cu ta preocupante, paso manera cu a revisa e parti di e BIG, e ta parce un instrumento legal cu ta bay stroba e desaroyo di e cuido medico na Aruba. E idea ta pa crea hermandad den e pais bisiña. DVG ta e departamento di salud hopi di nan keho ta bay den direccion di hospital, cu hospital no ta dunando informacion, datonan cu ta necesario. Y como e hospital mas grandi na Aruba, bo mester tuma e decisionnan y encamina y guia e departamento di salud. Esaki ta algo cu mester pone hopi atencion na dje. Pa cual dr. Vallejo ta balora e trabao cu Dr. Arrango a haci durante e ultimo añanan, cu ta e persona cu por guia pa establece e centronan di prevencion na Aruba, segun dr. Arthur Vallejo, coordinador di Ministerio di Salud.