Hopi ta e crusadanan rond di nos isla cu falta atencion pa loke ta infrastructura. Un di e crusadanan cu ta registra basta accidente ta esun di Rudolf Arendstraat y Emmastraat. Den 2016 a registra basta dalmento cu herido y dañonan grandi na auto. Esaki ta debi cu tin automobilista ta lubida y yega subi e crusada y dal basta duro den otro auto.
Den anochi tambe ta mes un cos mester tin iluminacion y tambe e reflectornan riba caminda cu ta indicabo cu bo ta yegando un crusada. Por tuma nota di e caminda den mal estado y falta di pinta e indicacionnan riba caminda y loke cu no tin ta un borchi cu ta indica STOP.
Esaki ta bon indicacionnan pa chauffeurnan cu ta lubida cu tin crusada y tambe pa turistanan cu no sa mucho di crusada na Aruba cu ta yega subi caminda y hayanan den accidente fuerte y gasto pa nan mes. Ta mustra cu DOW tin cu haci sondeo na e crusadanan peligroso rond Aruba y mira cu cu falta di borchi, indicacionnan riba caminda manera pinta e caminda y tambe cu e palabra STOP y tambe na cierto crusadanan cu ta bastante scur y no tin ni un punta di luz.