CIUDAD DE MEXICO, Mexico – Servicio Sismologico Nacional (SSN) a informa di un prome movimento cu a keda registra pa 8 or y 23 di anochi, entre e colonia di Benito Juarez y Miguel Hidalgo.
E di dos temblor a tuma luga pa 8 or y 34, cu’ n magnitud di 2.2. Su epicentro tabata localisa den e colonia di Magdalena Contreras, na cuater km noordoost di e demarcacion.
Fausto Lugo, di Protección Civil di Ciudad de Mexico, a bisa cu den e capital di e pais e movimentonan a wordo sinti pero hopi leve, cu por a wordo confundi cu explosionnan.
E funcionario a bisa cu e tipo di fenomenonan aki ta normal ya cu e capital di e pais ta den un zona sismico.
El a sigura cu e movimentonan no a causa niun daño personal. Si tabata tin varios luga cu despues di a sufri dañonan causa door di e temblor di september ultimo, a keda bandona. Y cu e temblor di diadomingo, loke a resta di e edificio, a bin abao. Esaki no a causa dañonan personal, pero si un auto a keda destrui door di e escombronan cu a cay ariba dje.