Dos supuesto soeur acusa di maltrata muchanan den shelter

0

POPAYAN, Colombia- Dos supuesto soeur a wordo acusa di tortura grave na mas di 60 mucha na Popayan, Cauca, Colombia. Ta trata di muchanan cu ta keda den un shelter. E informenan aki a wordo informa door di medionan local.
Segun un investigacion di e Fiscalia di Cauca. Aunke e muhenan semper tabata bisti na soeur, nan no tabata pertenece na niun comunidad religioso. Nan a wordo identifica como Soeur Ines y Rosa Elvira Trochez. E dos muhenan aki lo a comete maltrato na menornan cu nan tabata tin na nan encargo den e centro Renacer Santa Clara, cu ta ricibi huerfanonan y esunnan desplasa pa violencia.
E echo aki a bira conoci danki na decena di denuncianan di ciudadanonan y despues di e accion di e Instituto Colombiano di Bienestar Familiar (ICBF), cu a logra rescata varios di e muchanan. E delitonan a wordo cometi entre 2014 y 2017. E shelter aki ya caba a wordo cera na dos oportunidad, segun noticia Caracol.
Segun testimonionan di e victimanan, e acusadonan tabata kima nan mas, tabata hinca nan cabes den e potchi wc y tabata corta e cabey di e mucha muhenan como castigo. Sin embargo, e dosnan aki ta nenga nan culpabilidad.
“Nos mester di e apoyo di e secretario di gobierno di e municipio pa asina, di manera definitivo, cera e shelter aki”, segun e director di e ICBF di Cauca, James Ruiz.
Autoridadnna ta sigui cu e investigacion. E luga a wordo cera un biaha mas y lo cuminsa cu e proceso di cera e luga aki definitivo.

Comments

comments