Dos ruman deteni cu arma di candela den nan posesion

0
RBC Juli 2018
ling and sons porciento
Funmiles-2018

PHILADELPHIA, Merca- Polis di Philadelphia a detene un hobencito di 12 aña y su ruman homber di 19. Tur dos ruman tabata tin arma cu riba caminda publico. Segun medionan local, tur cos a cuminsa diasabra atardi, ora cu e ruman mayo, identifica como Mitchell, a sali riba caya cu’n pistol di su mama.
E adolescente, compaña pa su ruman chikito (cual nomber no a wordo revela) a bay na cas di su bisiña cu kende el a pleita anteriormente. Ora cu el a bati na porta, esaki a wordo habri pa tata di e bisiña y e ora Mitchell, a bisa su ruman pa bay cas busca e fusil. Ora cu e mucha a bolbe, bisiñanan a yama polis, cu a detene e dos rumannan.
E caso aki a impresiona polisnan cu a bisa di a yega di aresta menornan di edad cu pistool, pero esaki ta un historia straño di tur banda. Loke mas a hala atencion ta cu a kita un fusil AR-15 for di e hobencito, cu ta exactamente e tipo di arma cu ta causando polemico nacional despues di cu esaki a wordo uza den varios tiroteo masivo den scolnan na Merca.
Polisnan ta investigando awo con Mitchell a haya e AR-15, aunke ley estatal ta permiti cualkier hoben riba 18 aña pa haya un arma, cu e unico condicion di cumpli cu cierto normanan di control. Mama di e muchanan a bisa cu e tabata tin un pistol cera den un caha fuerte y cu su yiu mayo a tuma esaki sin su permiso.
E hoben di 19 aña ta enfrentando cargonan cu ta inclui menasanan terorista y delitonan di arma di candela. Su ruman di 12 aña ta wordo acusa di mesun delitonan, pero den condicion di menor di edad.

Fuente: https://actualidad.rt.com

Comments

comments

C: Heineken
new india
dvg