MILAN , Italia- Diahuebs anochi un militar y un agente policial a wordo hinca na e station di trein mas grandi di Milan. Polisnan a logra gara e presunto autor, segun medionan Italiano.
E dos victimanan a wordo transporta pa hospital. Un di e hombernan a wordo herida na su brasa y e otro victima tabata tin un herida na su nek. Nan condicion ta stabiel, segun prensa Italiano.
E autor di e hechonan aki, un homber di descendencia Noord – Africano, ta un conoci di polis. Den pasado el a yega di wordo detene pa sospecho di delitonan relaciona cu droga. Pa loke ta e motibo pa e la hinca e dos personanan aki, esaki no ta conoci ainda.
Fuente: www.telegraaf.nl