Willemstad Curacao: Djárason 23 ougùstùs 2017, alrededor di 00.25 or di mardugá, personal di Divishon di Krímen Organisá den kooperashon ku tim di Aresto a tene entrada hudisial na un kas na Mari Pampun. E entrada hudisial ta den kuadro di un investigashon penal ku ta andando relashoná ku menasa i violashon di Lei di Arma di Kandela. Durante di e investigashon na e adrès menshoná, a haña i konfiská entre otro: un kashi di bala largu yená ku bala, un pistol Barreta i tambe un plantashon di mariwana den un kamber. A detené dos (2) sospechoso, e hòmbernan:
R.D.D.H. nasé na Hulanda di 31 aña di edat,
R.D.M.H. nasé na Hulanda di 36 aña di edat.
A presentá e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.