Diahuebs marduga algun persona a raporta na Polis cu tiro a cay pafo di Olde Molen y e auto cu a los e tiro a core bandona e sitio y tabata un Chevy dos porta color shinishi. Un persona a sigui e auto aki y informa autoridad.
E auto a staciona te banda di Sabana Liber supermarket na un cas. Patruya di Noord a yega na e cas y topa cu dos homber den e auto, a bay over pa un listramento den e auto y e oficial denlistramento a canta bingo, a pone cu a bay over na detencion di biaha di e dos hombernan pafo di e cas na Sabana Liber.
https://www.facebook.com/masnoticia/videos/1295515393819379/
A haya mas cu 5 bala cayente den e vehiculo pero e arma mes nada posiblemente a benta esaki otro caminda of den cura di e cas. Departamento forensico di Cuerpo Policial tambe a presenta pa saca potret di e munisionnan haya , y a confisca e auto tambe pa asina haci investigacion profundo na warda. Awor e sospechosonan tin cu duna cuenta di e bala cayente y e tiramento y e arma di candela.