Dos persona a muri despues di a pega cu keintura geel

0
RBC Juli 2018
Funmiles-2018

Un hoben di 24 aña ta luchando pa su bida na Buenos Aires, Argentina despues di a wordo someti na un transplante di higra. En total, a keda notifica di un total di 7 caso di e malesa.
Ministerio di Salud di Argentina a confirma dialuna dos morto pa 2018 door di keintura geel importa. E hoben di 24 aña a bira e prome persona pa ricibi un transplante di higra pa tratamento di e malesa aki.
Den e ciudad di Neuquen, un señora di 69 aña cu a biaha pa Rio de Janeiro a muri door di keintura geel, despues di cu dokternan a conseh’e pa e no tuma vacuna contra di e malesa aki. Motibo ta cu e inmunisacion ta indica vacuna te cu 60 aña.
E otro caso fatal a tuma luga siman pasa ora cu’n homber di 69 aña di e localidad di Lanus, Buenos Aires a keda contagia cu keintura geel na Brazil. El a haya problemanan cu su riñon di cual e no por a recupera. E homber a biaha pa Rio de Janeiro e prome siman di maart y a bin bek dia 14. Despues di tres dia el a cuminsa sinti e sintomanan.
Segun e Boletin Epidemiologico di e Ministerio di Salud di e Nacion, nan a ricibi 7 notificacion di casonan di keintura geel importa cu antecedentenan di biaha pa Brazil, sin antecedentenan di vacunacion.
E boletin a agrega cu e dos pashentnan a fayece e siman aki. E directora di Salud di Neuquén, Andrea Peve a informa cu e prome sintomanan cu e homber a haya tabata di malestar general, dolor di musculo y keintura. Ademas, según e dokter, e cuadro viral a progresa hopi lihe y e estado di salud a bira piio causando un fayo multiorganico comun den keintura geel.
Entre tanto, na Buenos Aires, un hoben di 24 aña a bira e prome Argentino pa ricibi un transplante hepatico como tratamento contra di keintura geel, despues di a desaroya un cuadro mas grave di e malesa aki. E hoben a pega cu e malesa aki na comienso di maart mientras e tabata realisando un crucero door di Brazil. El a ricibi e transplante di un donante cu a fayece den e clinica La Trinidad, según su famianan a informa.

Comments

comments

C: Heineken
new india
dvg