EL TARA, Colombia – Ehercito y polis ta realisando operativonan den aire y riba tera ante e presunto secuestro di dos periodista stranhero.
Segun habitantenan di e zona, e dos comunicadornan Hulandes tabata realisa un reportahe den e coregimento di Filo Gringo, zona rural di e municipio El Tarra y desde cinco dia pasa, no tin ningun informacion.
Den e mesun zona, a wordo secuestra e periodista Salud Hernandez den e luna di Mei di 2016 y posteriormente Diego D’pablos, coresponsabel di RCN Television.
E frente “Hector” di ELN cu ta opera den e zona di Catatumbo, ta wordo señala pa autoridad di ta responsabel di e secuestro di e dos periodistanan Hulandes. E ciudadanonan Eugenio Ernest di 68 aña ta camarografo, fotografo y Marine y Derk Bellt, di 52 aña di edad, ta periodista y presentador. E periodistanan tabata realisa un investigacion di e origen di un mucha muhe di Catatumbo kende a wordo adopta pa un muhe Hulandes, ora cu nan a wordo intercepta pa hombernan arma y a hibanan na un luga desconoci.
Autoridadnan a realisa un conseho di siguridad na El Tarra cu e participacion di Ehercito, Polis, Fiscalia, Personeria y Defensoria di Pueblo.
E personero di e municipio di El Tarra, Miguel Duarte a bisa RCN Radio, cu ta realisando e investigacion pertinente y ta spera informacion di e ciudadania, e autoridadnan ta ofrece pago di un recompensa.
Di su parti, Polis Nacional ta sigura cu una bes sa di e hechonan aki, unidadnan adscrito di e Grupo di Accion Unifica pa e Libertad Personal (GAULA), di Polis Nacional, na a desplasa pa e zona pa cuminsa cu e respectivo investigacion.
“Den e sector aki di e departamento nan ta sospecha ELN y e Grupo Arma Organisa “Los Pelusos.”
Ademas, nan a condena e hecho aki y a invita e comunidad na suministra informacion cu ta permiti e liberacion di e dos profesionalnan Hulandes.
Fuente: http://www.rcnradio.com