Den dos incidente separa, dos hungado Dominicano di baseball profesional ta perde nan bida den accidente di trafico na nan pais natal, Republica Dominicana
Den e prome incidente, e pitcher di Kansas City Royals, Yordano Ventura a perde su bida den un accidente di auto na su pais natal, Republica Dominicana.
Ventura,di 25 aña, a yuda e ekipo di Royals gana World Series na 2015, y tabata conoci pa su fastball. Hopi biaha esakinan tabata surpasa 100 m/h.
“E tabata jong y talentoso, semper el a sa di trece un smile riba cara di hopi hende” General Manager di Royals Dayton Moore, a declara.
Den un otro incidente, ex hungado di Grandes Ligas, Andy Marte, di 33 aña tambe a perde su bida den un accidente di trafico na Republica Dominicana.
Marte a hunga cu Atlanta Braves, Cleveland Indians y Arizona Diamondbacks durante su carera den Grandes Ligas. E ultimo dos temporadanan el a hunga na Zuid- Korea.