Diasabra den careda di 2 or atardi alarma a keda bati pa un caso serio den Shakespearestraat na Vondelaan unda dos homber trahando riba un dak di cas a cay. Polis cu urgencia ta presenta y topa cu un cas rondona cu lint di alerta pasobra tin trabou di asbest andando.
Polisnan a haya un mask pa bisti pa drenta paden pa no inhala e polvo y a bay paden na unda e dos hombernan ta benta. Un tabata mas serio cu otro y a solicita ambulansnan presenta cu urgencia. Pero debi cu e dos hombernan aki tabata traha riba e dak di asbest y nan tin e polvo riba nan a solicita pa brandweer acudi na e sitio pa muha e personanan cu awa pa kita e contaminacion pa asina keda transporta pa hospital.
Polis por a tuma nota cu maske nan tabata tin material di seguridad bisti pero mucho peso riba un banda di e dak a causa cu esaki a kibra y ambos homber a bin abou cay den e cas di golpi.