KAATSHEUVEL, Hulanda- Den e hardin parti patras di un vivienda na Kaatsheuvel, dos homber a muri despues di a inhala kimiconan. Segun informenan, tabata tin un laboratorio di droga den e garashi di e cas, unda cu tabata fabrica amfentamina (speed). Ta trata di un laboratorio relativamente chikito.
Pa precaucion, a evacua seis vivienda den cercania, pero e habitantenan por a regresa nan cas despues di algun hora.
Momento cu e polis a yega na e cas, ya caba e dos hombernan tabata wordo reanima door di personal di ambulans, pero en vano. Dos otro persona a resulta levemente herida y a wordo transporta pa hospital. No ta cla di nan tabata envolvi den e laboratorio di droga; nan no a wordo aresta.
Polis a haci un inval tambe den un cas den cercania, cu tabata wordo frecuentemente bishita door di e dos hombernan.
Fuente: https://nos.nl/