E premio di 30 di Augustus a trece asina hopi suerte cu no un, sino dos persona a gan’e! Ayera merdia, 12 di September, e di dos ganado di e sorteo di Mini Mega cu su Mega Plus, cual tabata na un suma total d 1.1 miyon florin, a pasa busca su check. El a comparti e jackpot, pues a hiba cas un check di 550 mil florin!
Arnobio H.G. no tabata sa mes cu e ta e otro ganado di un premio grandi, te cu diabierna siman pasa cu e la bay controla su ticket y e rebendedo a bise cu el a gana un premio grandi. El a cumpra su ticket di suerte na Monserat Lottery cu numbernan 07-09-13-23 Mega Ball 05.
Pa diamars awe 13 di September, 2016, e premio ya alcansa 400 mil florin cu Mini Mega cu su Mega Plus y ta costa solamente 7 florin pa cada ticket. Pasa awe mes na bo rebendedo preferi y cumpra bo numbernan di suerte. Pa hunga Mini Mega ta facil: scoge 4 number entre 1 y 30, añadi e Mega Ball, cual ta un number entre 1 y 15. E ticket di Mini Mega ta costa 5 florin so y cu 2 florin extra bo por haci bo ticket un Mini Mega Plus.
Lotto, e loteria di Aruba tin diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.