Dos detenshon i arma di kandela konfiská

0

Willemstad Curacao: Djaweps 2 novèmber 2017 alrededor di 01.14 or Sentral di Polis a risibí notifikashon ku dos tipo ta purba di hòrta un Van riba e lugá di parker di un negoshi den Brokoponostraat.
E unidat polisial ku a yega na e sitio en bèrdat a topa ku dos hòmber den un Van blanku. Nan tabata kibrando e slòt di stur di e Van aki. Un di e hòmbernan tabata sintá riba e asiento di shofùr i e otro riba asiento di pasahero.
Durante di investigashon riba un di e hòmbernan sospechoso na e sitio, polis a haña bintiseis (26) paki di mariwana den su tas. Kontinuando ku e investigashon, polis haña un (1) arma di kandela (revòlver) mei mei di e stul di shofùr. Den un outo blanku ku e sospechosonan a bin na e sitio kuné polis a haña un tas ku diesnuebe (19) paki di mariwana i un (1) paki base. Den e outo su baul a haña diferente piesa di outo ku probablemente ta prosedente di ladronisia.
Polis a konfiská e siguiente artíkulonan:
 Un tas ku 26 paki di mariwana;
 1 revòlver;
 Un tas ku 19 paki di mariwana i 1 paki base;
 Diferente piesa di outo;
 Un Van;
 Un outo.
Relashoná ku esaki polis a detené dos hòmber sospechosonan: 1. R.C.W.di22añadiedat;
2. J.T.W.di24añadiedat,
Ámbos nasé na Kòrsou.
A presentá e sospechosonan dilanti di un Fiskal Ouksiliar ku a ordená nan enkarselamentu pendiente di mas investigashon.