Dos detencion pa violacion di ley di droga

0
RBC Juli 2018
ling and sons porciento
Funmiles-2018

Flex Team di Cuerpo Policial un biaha mas a tene controlnan localmente durante e siman di 18 te cu 24 di mei cu ta tras di lomba.
Ora cu topa cu aglomeracionnan na luganan conoci manera Manuelitos, Hotel Bacarat (cera), casnan di pueblo na Noord, Madiki, Seroe Patrishi un biaha mas esakinan ta wordo controla cu man duro.
Localidadnan manera Lekker, De Olde Molen y Cas Casuela, a wordo controla y polisnan a zorg pa tur hende a bay nan cas despues di ora di ceramento.
Aglomeracion na Eagle Beach
Tur e gruponan cu den oranan di anochi ta aglomera na altura di Eagle Beach y cu tabata bebiendo alcohol y tocando muziek duro, nan atencion a wordo hala y cori for di e luga. Personana riba cual tin sospecho a wordo controla. E gruponan diadomingo a keda toca muziek duro te den oranan laat di anochi. Muziek duro ta wordo tolera te cu 11 or di anochi.

Aglormeracion riba parkeerplaats di The Village
Tur e gruponan cu durante e oranan di anochi ta aglomera riba e parkeerplaats di The Village, cu tabata bebiendo alcohol a wordo atendi y cori di e luga. Personanan ariba cual tabata tin sospecho a wordo controla.

Posibel dropping di droga na Rincon.
Dialuna 18 di mei, pa 9 or y 40, a drenta un melding di cu lo a wak señalnan di lus riba lama na altura di Boca Grandi. Varios unidad di San Nicolas a wordo despacha pa e sitio unda cu investigacionnan na e sitio a mustra marcanan di auto cu ta duna indicacion di un posibel dropping di droga. A controla e bicindario, pero sin resultado positivo.

Training di simulacro di Rampenbureau riba 20 y 21 di juni 2018
Diaranson 20 di juni y diahuebs 21 di juni 2018 entre 6 or di atardi y 7 or di anochi, hunto cu varios otro departamento a tuma parti na varios scenario di calamidad. Esakinan a varia for di accidentenan simpel, te cu accidentnan grave, accidente aereo, sakeo y disturbio.

Detencion M. pa cu violacion di ley di droga
Diabierna 22 di juni 2018, banda di 11 or y 05 di anochi, un patruya durante un control ariba J.E. Irausquin ta tuma nota di 4 homber para bou di un palo di mata, dilanti un hotel. Ora cu e polisnan a pasa, nan a haya un holo fuerte di marihuana biniendo for di e grupo aki. A acerca nan y a informa nan di cu e polisnan lo haci un investigacion, pa cual un di e hombernan a saca un sakito cu’n cantidad di yerba di marihuana for di su saco di carson y ta entrega esaki na polisnan. Esaki a wordo tuma den beslag pa mas investigacion y a bay over na detencion di e cabayero M., pa violacion di e articulo 4 di e ley L.M.V.

Detencion B. relaciona cu violacion di L.V.M.
Diabierna 23 di juni 2018, pa mas o menos 10 or y 25 di anochi, polisnan riba e parkeerplaats di “Nikky Beach”riba L.G. Smith Boulevard, ta tuma nota di un Suzuki color cora cu e conoci di polis B. para banda di dje. Den pasado polisnan a detene B. na diferente ocasion, pa violacion di articulo 4 di e ley L.V.M. Basa ariba articulo 10, inciso 1, polisnan a acerca B pa haci un control. Polisnan a wak B. ta hinca mas den su saco di plastic for di su saco. Yegando cerca polisnan a ripara cu B. tabata tin un sakito di platic duro wanta den su man robes, cu a resulta di ta yerba di marihuana. Esaki a keda tuma den beslag y B. a wordo deteni pa violacion di articulo 3 y 4 di e ley di droga.

Detencion M. pa a stroba polis di haci nan trabao na Euphoria
Diadomingo 24 di juni pa mas o menos 3 or y 30 di marduga, central di polis ta manda un patruya di Oranjestad pa un pelea na Club Euphoria na Madiki. Na e luga polisnan ta topa cu’n grupo di hende pafo. Ora cu a puntra a bin resulta cu esunnan cu a cuminsa e problema a bandona e sitio caba. Polisnan a cuminsa pidi tur hende pa bandona e sitio, mas tanto esunnan cu tabata bebe alcohol ariba caminda publico. Dado momento e dama M. a wordo pidi na mas di un ocasion pa bay for di e luga. Pero M. no a haci caso. El a wordo deteni y hiba warda di polis na Oranjestad y mester a presenta dilanti hues comisario. El a haya un cel gratis pa baha su wayaba.

Resumen di siman: Siman 25-2018, periodo 18 te cu 24 di juni 2018.
Tabata tin un total di 4 detencion
Dos (2) pa violacion di Ley di Droga
Un (1) pa stroba un polis den funcion di su trabao
Un (1) pa buracheria riba caminda publico

Comments

comments

C: Heineken
new india
dvg