Willemstad Curacao: Diasabra pasa di 12 or marduga autoridadnan a presenta cu urgencia a presenta na Howard Johnson debi cu autoridad a keda informa tin dos persona morto. Manera autoridad a drenta den e camber 134 y a haya dos dama morto y un plas di sanger den e camber. Version inoficial ta bisa cu e damanan aki tabatin un relacion amoroso cu otro, pero algo a bay robes e marduga ey debi na jaloezi.
Den pasado caba un a menasa di mata otro caba. Esaki a bay for di man caminda diasabra marduga un di nan a tira esun mata pa despues pone fin na su bida tambe cu e arma di candela. Un di e damanan ta yiu Curacao y e otro ta Dominicano. Departamento forensico na e sitio a haci nan investigacion y dokter di Polis a presenta pa constata morto. Autoridad ta investigando e caso aki ya cu por ta trata di crimen pasional. Relato policial: For di investigashon realisá na e sitio, a bin topa un revòlver ku a keda konfiská y a sali na kla ku pa motibu deskonosí, e dama Aury Mercedes Gill Desentina, nase na Repúblika Dominikana dia 30 di mei 1971, a los tiru fatal riba e dama Nicole Monique Renate Hawker, nase na Kòrsou dia 7 di yüli 1984. Despues di esaki, Desentina a tira su mes ku konsekuensia fatal. Dòkter di polis a konstatá morto di e dos damanan aki.