BRISTOL, Inglatera- Dos Hulandes a wordo acusa di transporte grandi di cocaina na Inglatera. E cargamento di cocaina a wordo intercepta den e waf di e zona costero Newlyn, zuid- west di Inglatera, segun e National Crime Agency (NCA), cu ta combati crimen organisa.
E sospechosonan ta Maarten P. di 59 aña y Emile S. di 44 aña, E Hulandesnan a wordo deteni diahuebs ultimo.
Yate
E cargamento di cocaina a wordo transporte den un yate. Na nan yegada e yate a wordo registra door di polis fronteriso y a bin haya e cargamento di droga. E servicio di explosivo Britanico a investiga e yate pa cual e waf a keda varios hora cera. Newlyn ta un atraccion turistico importante.
No ta conoci e cantidad di droga haya, pero segun NCA, cu ta lidera e investigacion, ta trata di un “cantidad substancial di cocaina”. E investigacion na e waf lo sigui e weekend aki. Segun medionan di prensa Britanico, e cargamento tin un balor di 200 miyon euro riba black market.
E sospechosonan a aparece via videoconference cu’n hues di Bristol.