E caso di accidente di Indra Stamper no ta un caso desconoci. Por corda cu den e accidente aki tabata tin un persona cu a fayece. E caso aki a tuma luga den sala di corte y Doris Canwood, abogado, a splica cu esaki tabata e apelacion cu a wordo entama door di Ministerio Publico. Canwood a sigui splica cu no por stroba ningun hende di apela. Mescos cu sra. Stamper a wordo haya culpabel den prome instancia. Chens ta grandi cu e lo a apela su decision. Ministerio Publico tambe tin derecho di apela. Un decision cu segun nan, no ta corecto. Por tin un diferencia di opinion riba esey, pasobra naturalmente e punto di bista di e abogado riba esaki. Door di apelacion awor aki a haci un investigacion hopi mas profundo cu ta haya cu por a wordo haci na prome instante enbes di warda e caso di apelacion, segun Canwood.
Mucho di nobo pa Canwood no tin, pero loke cu a wordo haci awor aki ta cu a bolbe scucha e testigonan cu a wordo scucha den prome instancia. E biaha aki cu por ehempel e abogado presente, pasobra ta usualmente polis ta esun cu ta scucha e testigonan. Loke tambe a bin nobo cu a pasa door di e dossier medico di su cliente, pasobra e punto di bista di Ministerio Publico semper tabata cu ya e no ta sufri di epilepsia, cu ta un storia cu e bin cune ultimo y cu no sa di dje. A scucha testigonan cu no sa mes tabata existi. Polisnan cu a yega na prome instante y cu no a duna un declaracion prome cu tambe por a bisa mas over di e circunstancianan pero tambe riba e situacion personal di sra. Stamper . Esey ta special e prome polis cu tabata presente y cu ta eigenlijk ta e prome cu a purba di papia cun’e, pa wak si e ta reacciona.
Canwood a bisa cu unabes tin un caso cu un persona a fayece den un accidente di trafico, ta keda na Ministerio Publico pa dicidi si ta persigui. Den e caso aki el a kies pa sigui esun cu tabata na stuur, ta nan pleno derecho. Famianan ta wordo teni na altura. Nan ta wordo invita, pero no ta asina cu un caso ta wordo persigui pasobra famianan kier. Por ta tin e impresion eynan cerca hopi hende, pero no ta asina. Esaki ta echt algo di Ministerio Publico. Por ta e ta consulta of ta invita famianan si ta sigui cu un caso, pero nan no tin e decision ultimo. Unico cos nan por haci ta entrega un claim pa gastonan y esey no a wordo haci. Ni den prome instancia, ni awor akinan. Si nan tabata presente, cu ta nan derecho. E situacion final ta cu na November e caso ta poni riba un decision den corte di apelacion. Pero ya corte a bisa tambe cu nan no ta sigur cu nan lo duna un decision e dia eynan, pasobra muy bien por ta cu nan ta bay puntra mas informacion of lo por laga haci investigacion na e dossier medico di sra. Stamper.
Como hurista ta haya asina un stapel di papel riba 14 aña riba di su situacion medico y no ta tur ora e handschrift no ta hopi comprendibel pa por lesa. Segun Canwood tin e pregunta di con e caso a bay ayera, segun e pregunta grandi no ta ni tanto si e ta sufri di un condicion medico, den e caso aki epilepsia. Pero e preguntanan cu mester wordo contesta cu si e por a stuur auto, of e tabata tin deber di stuur auto y e contesta semper tabata cu den contrario na Hulanda, Aruba no tin ningun tipo di guia of maneho riba coremento di auto, ni bao di medicamento ni cu bo ta sufri di epilepsia of condicionnan cronico, manera personanan cu ta sufri di curason.
Loke a pasa ta grandi. Su cliente nunca lo tabata kier pa un persona fayece door di su malesa. Mientras tanto e cliente a bira mama di un mucha muhe. Esaki ta stroba. Kier sigui cu bo bida, pero constantemente e ta bin bek y esey ta bin tambe cu memorianan cu ta purbando di move on. Segun Canwood, e tipo di cosnan aki ta tuma tempo pa digeri. Si constantemente mester ta den corte, no ta precisamente yuda sluit af un parti di bo bida, segun Canwood.
E cliente kier laga tur e cosnan aki su tras. E no tabata cera ni un dia. E pregunta lo ta zo y zo ta kico bo por pidi na daño y perhuicio.