Patruya ta wordo manda pa Noord Cura Cabay caminda cu un caso di destruccion lo a tuma luga. Na nan yegada patruya ta combersa cu Sra. J., cu a declara cu rond di 8 or y 30 di mainta e tabata den su cas ora cu e la tende e alarma di su auto bay on. Banda di 8 or y 45 e ta bay pafo pa wak kico por a pasa cu e alarma di auto. El a declara cu el a cana tur rond di e auto, pero cu e no a ripara nada. Ora cu el a dal e porta di patras cera, e backshield a cay den otro.
Patruya a constata cu den vecindario tabata tin trabaonan tumando luga y a bay combersa cu e doño di e vergunning y a pone na altura di e sucedido. E doño di e vergunning ta declara cu e lo core cu e gastonan pa drecha e auto. Agentenan policial a pone e Sra. J. na altura cu e meneer doño di e vergunning lo cubri e gastonan. Ambos partido a bay di acuerdo. Central di Polis a wordo poni na altura di esaki.