Ya pa algun dia caba por a ripara cu e rotonde na airport ta scur y tambe sin e banderanan manera di custumber. Sr. Marlon Croes, director di DOW ta splica e motibonan pa cual esaki ta asina.
Sr. Croes ta splica cu e rotonde tin lus parti central di dje cu tin cuatro brasa cu ta lusa na dje. Y tambe e tin e 75 palonan di bandera cu tin lusnan ariba dje, pa ilumina e banderanan.
Un di dje cu DOW tin un problema den circuito di coriente di un cierto cantidad di palo di bandera cu tin di bay soluciona y otro banda tambe e mecanismo cu nan a haya den e ultimo 3 simannan aki, cu dos bandera a bay den un posicion poco straño, cu tin chens di kibra. E mecanismo mes, despues di algun aña cu e palonan t’ey, a bay atras. Aworaki DOW a haci un mantencion grandi ariba dje, cambia full e mecanismo di hisa e banderanan, y drecha e lusnan, pa bolbe lantanan bek.
A baha e banderanan, pasobra cu den e ultimo lunanan, e banderanan a bira geel door di tanto stof den laira. Esakinan lo costa un 500 pa 1000 florin. E manpower cu ta bay bin adicional tambe, e lusnan tambe electricientnan di DOW ta bezig cu nan, pa wak kico esaki ta, segun Sr. Marlon Croes, director di DOW.