Durante un conferencia di prensa yama pa e compania Cilo riba un caso di inval, abogado de Sousa a splica riba un caso cu a pasa siman pasa diabierna pa cual loke a sali den prensa no ta berdad. E abogado a splica cu mirando cu ta trata di un restaurant, un luga cu ta hopi conoci na Aruba y cu ta importante tambe den e economia di Aruba y specialmente den ubicacion caminda cu e ta, como cu tin un fluho grandi di turista y tambe oficinanan local y localnan cu ta bin eynan pa bay come of sinta bebe algo.
Diabierna cu a pasa, Warda nos Costa a yega na Cilo na un manera relampago, pa controla documentonan di tur persona. Al contrario di algun comunicacion cu a sali den prensa y cu ta bisa cu a bay cu e doñonan y cu varios trahado, no ta corecto. Ta asina si cu sra. Shoemily Hidalgo ta doño di 50% di Cilo, a pidie pa mustra su permiso, pero esey e ta wordo trata, pero e señora ta directora y sr. Moya tambe ta director y tur cos ta den tramite. Nan no ta cla ainda. Nan a wordo hinca den e van pa hibanan na warda nos Costa y un persona mas cu tabata na e sitio cu tin un permiso di turista cu a pidi su extension. E no tabata trahando eynan. E tabata di bishita na Aruba.
Ta asina si cu ora cu a yega Warda nos Costa, a wordo notifica prome cu e inval a sosode. De Sousa a wordo notifica pasobra recientemente el a wordo tuma como abogado pa conseha e dos personanan aki den tur aspecto huridico, pero tambe den e aspecto comercial di e restaurant. Ora cu de Sousa a purba di informa y purba di wak kico por a haci, de Sousa a tende e mesun marduga, esta algun ora despues cu nan lo wordo deporta su siguiente diadomingo. No a laga ningun rato pasa riba dje. Tabata manera cu tabata tin pura. Esey a pone cu diasabra mes, el a entama dos caso, esta e apelacion, e bezwaar contra orden di deportacion y tambe a apela contra e orden di detencion, locual cu ta wordo yama vreemdelingenbewaring, de Sousa a splica.
E personanan aki ta bin na Aruba y ta haya nan confronta cu nan ta wordo tira den Dakota, ciendo cu nan tin e trabao di vigila y ta wordo promovi pa Welcome to Aruba y bin inverti. Den e caso aki, ainda mas pio, pasobra no ta trata di e dos personanan so. Pero ta trata tambe di 22 empleado cu e luga tin. Tin cu tene cuenta tambe cu ta 22 cupo di trabao cu bo tin cu vigila pa nan no bay perdi y ademas e mal publicidad cu ta haya tanto den exterior, cu esey ta pasa cu inversionistanan y e posicion geografico cu e luga tin cu si Cilo cera di un momento pa otro cu e publicidad negativo, ta dañino pa nos economia. Den ningun momento tabata intencion di sra. Hidalgo pa sr. Moya pa sconde pa autoridad, cual ta absolutamente cu no. Nan a cana nan caminda y tin prueba di esey.