GEORGIA, Merca – Un asalto brutal a wordo acpta riba camara na un restaurant na Georgia. Esaki a pasa na Qwik Chick Take out cu ta riba US Highway One.
E doño Jeanette Norris a bisa cu un pareha a ordo dos cuminda y despues a keha cu nan cuminda tabata friu y no tabata tin suficiente.
Norris a check e cuminda y despues di a papia cu e pareha, e sospechoso femenino a atak’e y a boft’e y dal’e den su cara.
E yiu muhe di Norris di 15 aña a sali for di nan pick up pa interveni y a wordo maltrata den su cara pa un sospechoso masculino, practicamente lat’e for di su pia. E pareha a lanta bela bay mientras cu otro clientenan tabata yegado.
Testigonan cu a mira e video riba television a tuma contacto cu polis, kende pa e momento ey a identifica e sospechosonan como Nathaniel Eric Smith y Latasha Smith.
Polis a bisa cu ambos tin acusacionnan formal di maltrato grave y crueldad na mucha. Nan ta wordo considera como peligroso.
Polis a bisa cu nan a bandona e sitio den un Cadillac Escalade color di plata.
Jeannette Norris a sufri di un nanishi kibra. Su yiu muhe a ricibi golpi y un contusion celebral.
Fuente: http://www.fox4news.com
https://www.youtube.com/watch?v=kRT0MAUdeDE