Durante e gobernacion anterior, DOW a laga asfalta y split den dos e caminda conoci como Van Leeuwenhoekstraat, direccion Lauren Costerstraat. E caminda aki ta keda panort di Canal 90, y ta wordo hopi uza pa automobilistanan cu ta uza esaki como un “shortcut” pa yega mas lihe posibel den Kamerlingonnestraat.
Diamars atardi, automobilistanan a keda sorprendi ora cu nan a bin topa cu e tereno completamente cera. A bin compronde cu e doño di e tereno a cera e caminda aki, door cu e ta tereno propiedad.
DOW ta buscando un solucion satisfactorio pa tur partido envolvi, mirando cu e bario ta esun cu ta wordo perhudica ya cu nan ta keda sin salida atrobe pa e caminda principal.