Riba 22 di Januari rond di 6′ or di atardi, un patruya riba bicicleta tabta haciendo su patruya di rigor cerca di Aruba Entertainment Center, pero prome cu esaki nan tabata na altura di e ex edificio di DWJZ y nan ta topa cu un grupo di hende. E personanan en cuestion tabata ariba caminda publico, y bebiendo bebidanan alcoholico, hungando domino y skuchando musica na un volumen halto.
Patruyanan tambe a constata cu e personanan aki tabata bendiendo BBQ. Durante investigacion a bin resulta cu e doño di “Ole tapas bar” a organisa un fiesta, y esey tabata un violacion di ley. Autoridadnan a hala su atencion pa loke ta su vergunning y cual ta proceduranan cu mester sigui pa organisa un fiesta. A duna ordo pa ruim op tur cos. E persona en cuestion a mustra comprension.