WASHINGTON D.C., Merca – E aspirante Republicano pa e presidencia di Merca, Donald Trump, a wordo graba durante un combersacion caminda cu e ta referi bulgarmente na e hende muhenan, The Washington Post a informa, riba un audio cu a keda registra na aña 2005.
“Ora cu bo ta un strea, bo ta laga haci cubo kico cu ta, garanan na e parti priva si bo kier, bo por haci loke bo kier, mi not a spera pa cuminsa sunchi nan,” por a scucha den e grabacion.
Leu di nenga e contenido di e combersacion, Trump a reacciona bisando den un comunicado cu “esaki tabata un charla di vestuario, un combersacion priva di hopi aña pasa. Bill Clinton a bisa cosnan hopi mas pio den e campo di golf. Si un hende a wordo ofendi, mi ta disculpa.” Den e audio, Trump ta papia di un intento cu a faya ora di basila un muhe, cual nomber completo no ta wordo duna riba e video. E cinta a wordo graba varios luna despues tempo cu el a casa cu su di tres casa, Melania.
Trump a wordo critica durante e campaña aki pa e comentarionan despectivo y lascivo riba hende muhe, incluyendo algun haci riba television y radio en bibo. Durante un entrevista diaranson cu KSNV-TV, un stacion di television di Las Vegas, Trump a bisa cu e comentarionan aki a wordo haci pa entretenimento. “No tin ningun otro hende cu tin mas respet pa muhe,” el a bisa.
E grabacion ta aparece na momento caminda cu e candidato Republicando a busca pa haci e matrimonio di Hillary Clinton, un tema di campaña. Trump a critica ex presidente Clinton pa su infidelidad den pasado y acusa su rival democrata di ta “facilitador” di su casa.
Fuente: NTN24