Donald Trump a kibra cu un tradicion cu tabata tuma luga durante e toma di posesion di e ultimo 11 presidentenan Mericano.
E presidente electo a dicidi di no uza e servicio di Charles Brotman, e bos encarga di anuncia e desfile inaugural di cada president Mericano desde Dwight D. Eisenhower na 1957.
Brotman, di 89 aña kende un tempo tabata locutor oficial di e ekipo di baseball a declara di ta masha tristo pa e decision di Donald Trump.
“Mi a haci esaki durante 60 aña”, el a declara na un canal di television Mericano.
Na su luga, e ekipo di Trump a contrata, Steve Ray, di 58 aña, un locutor independiente cu a traha cu Mayor League Baseball y tambe algun stationnan di radio.
Boris Epshteyn, vocero di e ekipo di transicion di Trumo a bisa cu Brotman lo ricibi un homenahe.