WASHINGTON, D.C. , Merca- Donald Trump diaranson a firma un orden migratorio despues di a wordo duramente critica pa su politica di ‘cero tolerancia”. E politica aki ta separa famianan ilegal cu ta yega na Merca su frontera zuid.
Segun e mandatario, e medida ta busca pa mantene tanto mayornan como nan yiunan cu ta yega ilegalmente na e pais, sin laga un banda su politica di ‘cero tolerancia’ pa esunnan cu a drenta e pais ilegalmente.
Na momento di a firma e e orden migratorio, Trump a sigura cu “nos lo haci hopi famia feliz” y el a agrega cu e “frontera ta sigui di ta dificil, pero nos kier pa e famianan keda hunto”.
Na mes momento e mandatario a agrega cu “nos ta trahando den un proyecto di ley integral, hopi cos ta pasando pa adopta un bon inmigracion”.
Di su banda, Mike Pence, vice – presidente di Merca, a señala cu esaki ta haci cu nos por sigui cu nos compromiso di aplica e ley contra di individuonan cu ta viola nos ley drentando nos pais di manera ilegal”.
Di mes manera, Pence a haci un yamada na Congreso pa “cambia e leynan riba e tema aki y den diferente area pa sigura nos frontera y duna nos e siguransa cu, un biaha mas, nos por tuma e pasonan necesario pa pone fin na e crisis di inmigracion ilegal na Merca”.
Datonan oficial ta indica cu autoridadnan Mericano a separa mas di 2 mil mucha (2432), kende nan famia a wordo aresta sperando riba e proceso criminal pa a drenta e pais di manera clandestino.
Fuente: NTN24