Presidente Donald Trump diamars a firma dos decreto cu ta autorisa e avanse den e construccion di e oleoductonan di Keyston XL y Dakota. Durante campaña el a priminti di aproba e construccion di e oleoducto.
Na December, ex- president Barack Obama a tuma e decision di para e construccion di e oleoducto den North Dakota, cu ta pasa bou di Oahe Lake, un reserva di e riu Missouri, despues di dianan largo di protesta.
Reuni bou di e lema, “awa ta bida”, e manifestantenan a denuncia cu e oleoducto lo menasa e suministro di awa di e tribu y lo profana e teranan sagrado. Hopi tabata tin miedo cu un escape di e tuberia lo por causa un desastre ambiental.
Hopi biaha e protestanan tabata pacifico, pero algun biaha a degrada den chaos, ora cu agentenan di forsa di ordo a tira balanan di rubber riba e manifestantenan, como tmabe gas lacrimogeno riba algun activista cu a cende candela, causa destruccion y a blokia esfuerzonan di construccion.