TORONTO, Canada – E instituto di Salud di Canada a modifica su regulacionnan pa permiti cu dokternan di e pais aki por prescribi heroina como tratamento pa esnan cu ta mas severamente adicto na e droga aki.
E cambio cu a wordo haci siman pasa den e ley di Droga y Substancianan Controla, ta permiti pa dokternan aplica pa un permiso bao di e programa federal di Acceso Especial pa receta nan pashentnan adicto na e medicamento conoci como diacetilmorfina: heronia di grado farmaceutico.
Den e regulacion Gobierno a haci referencia na “e necesidad di emergencia medico pa accede na diacetilmorfina.”
“Algun pais a permiti dokternan uza e tratamento diacetilmorfina asisti pa apoya e porcentahe chikito di pashentnan cu dependencia di opio cu a responde na otro opcionnan di trtamento,” e regulacio ta bisa. “Tin tambe un gran cantidad di evidencia cientifico cu ta apoya e uzo aki.”
E regla nobo aki ta reincorpora uno antiguo, segun Eugenia Oviedo-Joekes, profesor asocia di e Scol di Poblacion y Salud Publico di e Universidad di British Columbia, a splica.
Na October di 2013, e minister di salud e tempo ey, Rona Ambrose, a remove e diacetilmorfina di e programa federal di Acceso Special y cune e posibilidad pa dokternan por prescribi heroina na nan pashent. E regulacion nobo aki ta clarifica cu e substancia por wordo receta solamente na pashentnan cu ta bao di supervision den circunstancianan specialisa, segun Oviedo-Joekes, a splica: “Nan a bisa un poco mas cla con mester maneha e rekerimento aki.”
Oviedo-Joekes ta lidera e iniciativa Norte Americano di medicamentonan opiaceo, un ensayo di remedinan experimental pa evalua e viabilidad y efectividad di tratamento pa varios adicto na British Columbia y a haya un alto porcentahe di hende muhe consumidor y un significativo y mas halto prevalencia di uzo di crack cu e standardnan Europeo.
E autornan a nota cu e adiccion na cocaina ta compromete e posibel resultadonan den e tratamento di adiccion na opiaceonan.
Prescribi heroina na adictonan severo cu no ta responde na otro tratamento por no curanan, Oviedo-Joekes y su coleganan a splica, pero por disminui su exposicion na e riesgonan pa salud cu ta menasa su bida, manera sobredosis, infeccionnan vital di transmision di sangr y endocarditis, un infeccion di e vliesnan parti paden di e curason cu generalmente tambe ta afecta e adernan.
Estudionan ta indica cu e prescripcion na heroina ta reduci e uzo di droganan ilegal y ta disminui e actividad criminal, mescos cu e costo di atencion di slaud, pa loke e gastonan social ta baha.
Fuente: CNN en Español