Florida, MERCA- Den prizon na Florida for di November 2011 Shatarky Nubby a manda un carta pa e Departamento di Salud di Florida tocante su chan chan cu a wordo aumenta pa medio di cirugia cosmetico. Su chan chan a bira duro y preto, el a skirbi den su carta. Efectonan secundario di e injeccion di un aña bieuw, a pone cu e mama di tres yiu a bira malo. El a bisa cu su ciruhano, Oneal Ron Morris, tabata e mesun dokter falso cu polis a aresta y acusa di a aumenta e parti patras di otro hende muhenan cu cement, zeta mineral y seal di tire. Su pashentnan ta yam’e “Dukesa”. Autoridadnan a cuminsa un investigacion y a interoga Nurby. Pero cuater luna despues, Nurby ta fayece. Causa oficial di su morto ta paro respiratorio.
Morris a wordo acusa di homicidio involuntario y pa eherce e funcion di dokter sin cu e tin permiso a fungi como tal.
Durante e sesion den corte unda cu hues a dicta sentencia, Morris mas di un biaha a nenga e acusacionann di a haci daño na otro hende di forma intencional y a insisti cu e nunca lo a durf di injecta un otro ser humano cu cualke substancia desconoci.