Entrante 8 di augustus 2018 dokter di cas, dr. Joost Samuels ta bay traha directamente den servicio di AZV den e funcion di ‘chief medical officer’. AZV ta desea su persona hopi exito den su funcion nobo.
Pa continuidad di e cuido medico sigui, AZV a percura pa un reemplaso temporal y definitivo. Reemplaso temporal Entrante 6 di augustus 2018 te cu fin di september 2018 dokter di cas Melanie Ho-Kang-You lo atende e pashentnan di dokter di cas Joost Samuels na su practica di custumber, esta Constantijn Huygenstraat 5ª. Reemplaso definitivo Entrante 1 di oktober 2018 dokter di cas Marcel Ho-Kang-You lo tuma e practica over.
Tur pashent lo wordo traspasa automaticamente pa su persona y lo ricibi un carta di AZV tocante e traspaso. Pashent cu no ta di acuerdo cu traspaso automatico Solamente e pashentnan cu no ta di acuerdo cu e traspaso automatico aki, ta haya e oportunidad pa haci cambio di dokter di cas segun e capacidad cu tin e momento ey. Pa cualkier pregunta por comunica cu AZV na 5279900 / 5840030 / 5279991 of email na [email protected]