DEN HAAG, Hulanda – Docentenan ta menasa di pone trabao abao pa un salario ma halto y menos presion di trabao. 91 porciento di docentenan a bisa di lo participa na un welga.
E sindicato, Algemen Onderwijsbond, a tene un encuesta bao di 15 mil docente. E disposicion pa bay den accion ta mas grandi bao di e docentenan di scol basico, caminda por bisa cu 94 porciento kier wlega, si un gabinete nobo no inverti suficiente den enseñansa. E encuesta aki ta un continuacion riba un manifiesto di e grupo “PO in Actie” di luna pasa.
Presidente Liesbeth Verheggen di Algemene Onderwijsbond ta contento cu e respons. “Mi ta haya esaki bon un señal den direccion di politiek Den Haag.” Segun Verheggen tin awa riba lip di e personal di enseñansa. “Un gabinete nobo no por tuma e luho pa kies entre un combatimento di presion di trabao of un aumento di salario: Ambos mester wordo haci.”
“Durante e eleccionnan nos no a reclama nada riba e 2.3 biyon Euro pa e combatimento di presion di trabao y 3.6 biyon euro pa e salarionan den nos sector. Tin mantencion atrasa. E mester ta ambos.”
September
E docentenan tin, segun e encuesta, dos rason pa welga. Den tur sector hende kier un aumento di salario pisa, den cada 5 porciento como compensacion no pa e aumento di salario den e ultimo añanan. Fuera di esey nan kier klasnan mas chikito pa enseñansa basico y avansa.
Vocero Jan van de Ven di “PO in Actie”, a bisa AD, cu ta wordo pensa riba un welga riba un siman den Septembar.
Fuente: RTL Nieuws