Dobbel asesinato na Souax tin un persona deteni caso ta bou investigacion

0

Willemstad Curacao: Informacion completo relaciona cu e caso di asesinato den siman na Curacao. Polis a start mesora ku un investigashon den e kaso di asesinato ku a tuma lugá ayera 23 di mei, den área di Souax. Esaki a hiba na, ku alrededor di 02.45 or di mardugá, e Tim di Aresto a logra di detené un sospechoso den e kaso aki.
Ta trata di e hòmber A.A.O., di 37 aña di edat nasé na Kòrsou.
Detenshon a tuma lugá den área di Rio Canario.
Relashoná ku e kaso aki, ayera 23 di mei na e sitio di delito, polis a haña i konfiská un tas di un di e víktimanan ku tabatin un revòlver kaliber 38 den dje.
Kontinuando ku e investigashon, alrededor di 05.00 or, Reshèrshi (RID) konhuntamente ku tim di mantenshon di òrdu públiko a tene un entrada hudisial na kas di e sospechoso den área di Nort Roosendaal. Durante investigashon na e kas, polis a haña i konfiská dos (2) arma di kandela; un revòlver i un pistol.
A presentá e sospechoso A.A.O. dilanti un fiskal ouksiliar ku a ordená su enkarselashon pendiente mas investigashon.
E investigashon den e kaso aki ta kontinuá.

Dobbel asesinato na Souax Curacao, cu persona deteni…

Posted by MasNoticia.com on Saturday, May 26, 2018

E víktimanan ku tabata envolví den e kaso di asesinato ku a tuma lugá djárason 23 mei último den área di Souax, a keda identifiká komo:
 E hòmber Jayson Dionisio Eusedio Pedro, nasé na Kòrsou, 9 aprel 1999;
 E hòmber Ruger Jean-Carl Molina, nasé na Kòrsou, 22 september 1994.

Comments

comments