Zurich, SUIZA- “Nos ta esclavo di un estado cu ta forsa nos pa bay den exterior si nos kier libra nos mes di un martirio incargabel y sin fin:”.
Despues di un caminda di calvario den e luz publico y un biahe forsa pa Suiza, pero finalmente dialuna mainta e conocido dj Fabio a bin fayece. Cu su morto, e discusion den sociedad tocante eutanasia ta bolbe lanta cabes.
Fabiano Antoniani di 40 aña a perde su bista y a keda paralitico despues di un accident di auto na 2014. Despues cu a resulta cu terapia lo no yud’e cu nada, e dj a entrega un peticion oficial pa pone un fin na su bida.
Eutanasia ta un tema hopi sensitivo den Iglesia Catolico. Esaki ta resalta den e lista largo di pashentanna cu den ultimo añanan sin tabata kier, tabata un simbolo di esaki. Despues di Piergiorgio Welby, kende su entiero na 2006 a wordo prohibo door di Arzobispo di Roma, vooral Eluana Englaro ta conoci. Despues di un coma induci cu a dura 17 aña, gobierno di Berlusconi a purba di pasa un ley di urgencia, pero el a muri durante e debate den Parlamento. E dokter cu a yud’e, a wordo acusa despues di asesinato.
Dokter Cappato a asisti Antoniani ora cu el a muri 20 pa 12 dialuna mainta. Pa bringa e vacuum huridico rond di eutanasia, e dokter a declara di lo entrega su mes ora e regresa Italia. Cu esaki e ta core risico di un castigo di prizon di 12 aña.