Divi Aruba Phoenix Beach Resort a tene un asina yama “World Happiness Celebration” riba World Happiness Day, riba dia 20 di Maart. Esaki tabata un iniciativa unico di Gerente General Gerrit Griffith kende kier a crea un experiencia special pa empleado y huespednan di e resort.
World Happiness Day a cuminsa cu un desayuno comunitario pa tur empleado di e resort. E programa a inclui un video motivacional, t-shirtnan conmemorativo special, sticker y broche. A pidi e empleadonan pa dedica nan mes na un estado feliz durante e dia aki, y a skirbi riba papel nan idea pa aumenta satisfaccion y alegria, poniendo e pensamentonan feliz den un caha special di recuerdo. E encuentro a disfruta di musica y bailamento, creando un tono positivo, pa un tremendo dia di trabou.
Despues di esaki, e invitadonan a disfruta di un mega-dosis di alegria cu aqua aerobics, serbete frieu pa nan cara na e piscina, un mist refrescante di cara, y botter di awa frieu cu nan a ricibi mientras cu nan a relaha riba e stoelnan di lounge riba e beach. Pure Indulgence Spa a bay mas leu ainda, ofreciendo masashi di stoel gratis y extra malcriamento.
Segun e Aruba Tourism Authority, Aruba, como un destinacion, Aruba a posiciona su mes como un isla cu ta para tras di e importancia di ‘Alegria’ como un meta humano fundamental. Como e One Happy Island y como e Pais di Mas Alegre na mundo, Aruba ta desea di transmiti alegria y conecta e isla su marca di “One Happy” cu actonan di amabilidad y compasion, den observacion di “International Day of Happiness.”
E asina yama “Random Acts of Kindness” aki cu nan a comparti na Divi Aruba Phoenix Beach Resort a wordo ricibi na un manera entusiastico door di empleado y huespednan, kendenan tur tabata di acuerdo cu tur dia ta un feliz dia na Aruba.