PARIS, Francia – Shete homber cu a wordo aresta siman pasa na Francia debi na cierto plannan pa un atentado, tabata tin entre otro gemik riba Disneyland Paris y e mercado di pasco riba Champs-Elysees. Esaki ta segun e radio Frances, RTL a base di informacion di polis.
Durante un conferencia dialuna, minister di Asuntonan Interior, Bernard Cazeneuve, no a bisa kico e meta tabata di e sospechosonan terorista. Parce si cu cinco di e arestonan a wordo haci na Straatsburg, e otro dosnan na Marseille. E sospechosonan tabata hombernan di descendencia Frances, Marocano y Afgano, tur entre 29 y 37 aña bieu.
E sospechosonan lo tabata tin planea pa riba dia 1 di December comete e atentado aki riba Disneyland Paris. Esaki ta segun tapmento y informacionnan haya riba smartphones. For di eseynan tambe, fuera di e mercado di pasco y Disneyland paris via internet tabata tin ocho luga mas cu a wordo busca pa comete atentado riba nan. Entre otro e cuartel general di polis na Quai des Orfevres na Seine, e stacion di metro Charonne y e cafenan den 20e arrondissement.
Fuente: ANP